Laurdag skulle eg ta med brødrene mine til Barrow, det offentlege svømmebassenget i byen. Det var varmt og vi gleda oss alle til ein avkjølande dukkert. Eg visste at det skulle vere eit svømmestevne der i helga, men i følge ein plakat skulle dei stenge for offentlegheita klokka to. Det stemte sjølvsagt ikkje. Vi kom dit, litt forsinka, kvart på eitt og fekk beskjed om at det no var stengt. Plakaten med "2pm" på hang rett ved sida av dama i skranka som sa at det var stengt, men det hjalp ikkje. Då var det ikkje så mykje anna å gjere enn å skuffa ete lunsjen vi hadde kjøpt med utanfor og vente på å bli henta.
Deretter tok eg turen til cupfinalen (Mbada Diamonds Cup) i fotball mellom det lokale storlaget Highlanders mot How Mine som endte på 9.plass (av 16) i ligaen i år. Highlanders var storfavorittar på heimebane og presset var stort etter å ha mista ligagullet, til slutt på målforskjell, i dei siste serierundane. Det var ekstra livlig både i byen og utanfor stadion før kampstart. Highlanders innfridde og vann til slutt høgst fortent 3-0 i ein kjekk kamp med ellevill stemning på fullsatte tribuner. Etter kampslutt storma publikum bana, berre for å bli jaga tilbake av politi med hundar. Det virka som den feststemte fanskara syntest dette var kjempekjekt, så det heile gjentok seg fleire gongar i ein slags katt-og-mus-leik. Her er nokre bilder frå ein kjekk kamp:
 |
| Maskoten og trofeet |
 |
| Highlanders klare til kamp |
 |
| 1-0 |
 |
| God stemning |
 |
| Storming inn på bane |
 |
| Storming av bane |
 |
| Tatt |
 |
| Feiring |
 |
| Leike med politiet er gøy |
 |
| Feiring |
På kvelden hadde eg planlagd å lage taco til familien. Det hadde dei aldri hørt om og dei trudde ikkje heilt på at eg kunne å lage mat heller. Dei blei enno meir skeptisk når dei såg mengda av grønnsaker og lurte på om eg ikkje skulla ha sadza (populær maismelblanding her) eller ris til. Dei innrømte seinare at dei på dette tidspunktet hadde bestemt seg for å lage ekstra middag etter vi var ferdig med tacoen. Ei stor lefse seinare var dei stappmett og nøgd, så det heile var ein suksess. Restane blei lunsj dagen etterpå.
I morgon legg eg ut på ei sju-vekers reise rundt om kring i Afrika med følgande reisemål:
3.-7. desember: Masvingo, Zimbabwe (YES-festival)
8.-22. desember: Cape Town (studier og ferie)
23.-29. desember: Zimbabwe (Bulawayo, safari i Hwange, Vic Falls)
30.desember-6.januar: Road-trip sør-øst-Afrika
7.januar-18.januar: Tofo Beach, Mosambik
Eg gledar meg! :)
 |
| Mine gode vener i nabolaget |
Ingen kommentarer:
Legg inn en kommentar